Christine de Suède/Marguerite Buffet

[237] Eloge de la Reine de Suede.

Je ne sçaurois commencer plus noblement l'Histoire des illustres Sçavantes de ce siecle, qu'en mettant à leur tête le plus bel ornement de nostre sexe, Cristine Reine [238] de Suede, si recommandable par ses hautes connoissances, et par les belles lumieres de son esprit, qu'elle peut passer pour la Minerve de l'Europe. Cette auguste Princesse a tousjours crû que rien ne relevoit davantage que les Souverains de la terre que leur sagesse, et qu'ils ne pouvoient imiter Dieu de plus prés qu'en s'approchant de luy par la contemplation. Elle a crû que ceux que la divine Providence a élevés au dessus des autres hommes estoient indispensablement engagez par les loix de l'honneur et de la conscience à devenir sçavants pour servir d'exemple à leurs Peuples, et les conduire à la [239] felicité publique par de bonnes loix. Ses premieres victoires sur les Allemans et sur les autres Peuples du Nord, sont les fruits de sa premiere sagesse et de ses conseils; et toutes les batailles que les Generaux ont gagneés sous sa conduite, font bien voir que Mars n'est jamais plus heureux que quand il est conduit par Pallas. Quand cette genereuse fille est descendu_ du Trône où elle donnoit des loix à tout le Nord, ç'a esté pour prendre une souveraineté plus glorieuse et plus convenable à son sexe, qui est de regner sur les esprits par la force de cette eloquence qui luy a soûmis autant de Nations [[2]40] qu'il y en a qui l'ont oüy parler. Elle s'est lassée de regner sur des hommes sur lesquels Jesus-Christ ne regnoit plus; et pour s'établir un Empire digne de la grandeur de son courage, elle a voulu regner sur elle-même en changeant de Religion, pour regner à jamais avec le Roy des Rois. Non je me trompe, l'esprit de Cristine regne encore sur le coeur des Suedois qui ont de la memoire et de la reconnoissance des biens qu'elle leur a fait: Elle regne dans toutes les Cours des Princes de l'Europe, où son Conseil et ses maximes servent de regles pour bien gouverner, et ses vertus royales de modele [241] à tous les bons Princes qui font gloire de l'imiter. Elle regne dans la Ville universelle qui a tousjours fait regner la sagesse; elle regne dans le Pays des Politiques, où elle a choisi sa demeure pour estre l'arbitre de tous les differens des Princes de l'Europe, et pour y estre la sage Mediatrice qui peut rétablir la paix universelle parmy les Chrestiens. Mais le pouvoir de son éloquence luy a étably une authorité encore plus absoluë dans l'Empire des Lettres, où elle distribue la gloire à tous les Auteurs qui ont heureusement employé leurs veilles, quand ils ont eu le bon-heur de recevoir son approbation. Son [242] nom sera avantageusement marqué dans le Temple de memoire, pour y éterniser sa gloire et l'honneur de nostre sexe, et laisser un illustre exemple à la posterité de ce qu'a fait la plus illustre et la plus sage heroïne qui soit jamais descenduë volontairement du Trône.