Catherine de Médicis/Marguerite Buffet

[299] Catherine de Medicis l'un des plus grands esprits qui ait jamais esté appellé au Gouvernement de la Monarchie Françoise. Elle en donna de grandes preuves par tout ce qui se passa dans les quatre fois qu'elle fut Regente, dont il seroit trop long d'en parler icy. [300] Cette habile et illustre Princesse a receu des Eloges de tous les Historiens, et particulierement de Ronsard qui luy a fait les plus beaux et les plus élegants Panegyriques, où il fait voir combien cette Princesse estoit aimée des François, et qu'en la voyant on voyoit tout ce qu'il y avoit au monde d'aimable et de parfait. Il decrit fort bien qu'elle estoit appellée dans l'Histoire la protectrice des sçavants; elle en aimoit fort la conversation: Elle accorda à son plaisir de faire cette royale dépence, qui fut d'envoyer en Grece et par tout le Levant pour luy apporter les plus rares manuscrits en toutes sortes de [301] Langues, sans ceux de la Bibliotheque de Medicis qu'elle fit venir d'Italie; ce qui fait voir à quel point cette grande Princesse aimoit les sciences. Elle donnoit la meilleure partie du temps à les cultiver, comme le plus cher plaisir de sa vie.